Udyam Registration ka complete step-by-step process. Har line simple language me samjhayi gayi hai taaki bilkul beginner bhi bina galti ke MSME Udyam Certificate bana sake.
Udyam Registration Kaise Kare? Bilkul Beginners Friendly Guide – 2025
Agar aap koi shop, beauty parlour, mobile repairing, coaching center, ya koi bhi chhota business chalate hain, to aapko Udyam Registration jarur karna chahiye. Isse aapko MSME certificate milta hai jo business ke liye bahut useful hota hai.
Is guide me main har ek step ko bilkul simple language me samjha raha hoon, taaki jise kuch nahi pata wo bhi registration complete kar le.
Udyam Registration Kya Hai?
Udyam Registration ek official MSME certificate hota hai jo Government of India deti hai.
Isse aapko business proof mil jata hai aur government schemes ka benefit milta hai.
Fayde:
- Loan lene me aasani
- Business verification proof
- Tender me support
- GST aur financial benefits
Udyam Registration Kaise Kare? Step-by-Step Process
Registration ke liye aapko sirf 3 cheeze chahiye:
Aadhaar Number, PAN Number, Mobile Number
Koi bhi document upload nahi hota.
Pure process me sirf OTP aata hai.
Step 1: Aadhaar Number Enter Karo
Udyam portal par sabse upar Aadhaar number dalna hota hai.
Name exactly Aadhaar ke hisab se likho.
Generate OTP dabao aur mobile pe aaya OTP enter karo.
Agar name mismatch hua to OTP error aayega.
Step 2: PAN Number Verify Karo
Aadhaar verify hone ke baad PAN number mangta hai.
PAN enter karo
Validate PAN dabao
System automatically PAN check kar lega.
Agar PAN-Aadhaar linked nahi hai to error aayega.
Step 3: Business Name Likho
Yahan aap apne business ka naam likh sakte ho.
Example:
Dheeraj Mobile Shop
Rock Beauty Parlour
XYZ General Store
Agar business ka naam decide nahi hai to apna naam bhi use kar sakte ho.
Step 4: Major Activity Select Karo
Ye step log galat bhar dete hain. Isliye carefully follow karo.
Major Activity:
Manufacturing (Sirf tab jab koi product aap factory me banate ho)
Services (Shop, parlour, coaching, repair, trading sab aata hai)
Beauty Parlour: Services
Mobile Shop: Services
General Store: Services
Coaching: Services
Repairing: Services
Services ke andar 2 options milte hain:
Trading = Kharid-bech (mobile shop, general store, accessories shop)
Non-Trading = Service provider (beauty parlour, coaching, repair shop)
Step 5: NIC Code Select Karo
NIC code aapke business ki category hoti hai.
Search box me sirf ek word likho:
Mobile Shop → mobile → 47.42
Mobile Repair → repair → 95.12
Beauty Parlour → beauty → 96.02
General Store → retail → 47.11
Coaching Center → education → 85.00
Code select karne ke baad Add Activity zarur dabao.
Step 6: Employees Ki Sankhya
Shop me jitne log kaam karte hain:
Agar akela chala rahe ho → 1
Helper ek hai → 2
Do helper → 3
Yeh self declaration hota hai.
Step 7: Investment (WDV) Fill Karo
Yahan plant and machinery ka approximate value likhna hota hai.
Example (Mobile Shop):
Counter, furniture, laptop, printer, repair tools
Approx value: 20,000 se 80,000
Example (Beauty Parlour):
Chair, mirror, dryer, facial steamer
Approx value: 30,000 se 70,000
Exclusion cost me 0 likho (pollution control, R&D, safety equipment lagbhag kisi shop me nahi hota).
Net investment system khud calculate karega.
Step 8: Annual Turnover (Sale)
Aapke saal bhar ki total sale.
Naya business: 0
Chhota business: 2 se 5 lakh
Medium business: 5 se 15 lakh
Export turnover = 0
Net turnover system khud calculate karega.
Step 9: Bank Details Enter Karo
Bank account number
IFSC code
Dono sahi sahi fill karo.
Step 10: Business Address
Shop ka poora address enter karo:
Village/Town
Post
District
Tehsil
State
Pin Code
Last me declaration tick karo
Submit dabao
Aadhaar OTP enter karo
Certificate turant download ho jayega.
Certificate Download Ho Jane Ke Baad
Aap Udyam Certificate ka use kar sakte ho:
Payment settlement
Bank loan
Government schemes
Business proof
Tender application
Iska lifetime validity hota hai.
Frequently Asked Questions
Q1: Kya Udyam Registration free hai?
Haan, 100% free hai.
Q2: Kya koi document upload karna hota hai?
Nahi. Sab self declaration hai.
Q3: Certificate kitne time me milta hai?
Form submit karte hi turant download ho jata hai.
Q4: Kya mobile shop, parlour, general store sab Udyam bana sakte hain?
Haan, sab bana sakte hain.
Udyam Registration Related Keywords For Youtube
udyam registration kaise kare, msme udyam registration kaise kare, csc ka udyam registration kaise kare, udyam registration kaise karen, aadhar udyam registration kaise kare, udyam aadhar registration kaise kare, udyam registration online kaise kare, udyam registration kaise kare full process, udyam aadhar registration kaise kare 2025, udyam aadhar registration kaise kare free me, udyam registration certificate kaise download kare, msme registration kaise kare, udyam registration kaise banaen